ليش الوحدك من غير جناز
وياهو الغسلك ويغمض العيون
غريب بنص محطو وادم اجناب
وهلك عنك بعيد اشلون يدرون
اليموت بنص هلة تتهدة الهدال
علي امة وخواتة اطيح المتون
واشوفك وحدك وانت الكبل جان
الجبل والساتر بسدك يلوذون
المن جابتك للغربة رجليك
ومتت لاناعية ولاناس يبجون
تكلي الجوع اكلك انت غلطان
العراق بخير بعدة ولسة مامون
صحيح الجوع كافر من يمر بيك
وانة امجربة واعرفة اشلون ملعون
حافي وساوموني وكلت مابيع
وشلت غيرت هلي العشرين مليون
اذا ذيبي الوكت ماننكلب شات
ونتانيها اشوكت تكطعنا السنون
غدرطبع الذيابة وهذا معروف
ومثل هاي النهاية المرة يردون
انة ياصاحبي راجع للعراق
واسولف قصتك للي يأشرون
اكلهم نهر ذلة ورة اطربيل
وانة خايف عليكم لاتغركون
الوطن هذا الوطن كل شبر محراب
كعبة ودنكو يمة اليصلون
عراق ومنهو غيرك يرهم وياي
وانة امطلك الدنيا وعايف الكون
وانة امطلك الدنيا وعايف الكون
الأربعاء أكتوبر 01, 2008 3:18 am
