شلون انساك

موضوع: شلون انساك الجمعة أغسطس 22, 2008 11:19 am

تريد انساك كلي شلون انه انساك

هم شفت النهر لحظه نسه جروفه

انت كتاب كلبي واضح من اقراك

بدموع اليالي انكتبت حروفه

ياشمعه درب تضوي على العشاك

من بعيد نورك يشع وانشوفه

ياكلك حياتي وكلي انه وياك

خل حبك جرح للموت ماروفه

يل طبعك كمر واتسامر النجمات

لو عنهن غبت تتنطر طيوفه

ياحاتم كرم معروف صيتك دوم

ديوانك يرحب دومه بضيوفه

يافرحه امل لو تمر بين الناس

احس بغداد عدنه اليله مزفوفه

ياناي الحزن بيك انعزف موال

وكلماتك لحن مامنهه معزوفه

مو انت بحياتي صرت اليه الروح

وهاي الروح مثل الشمس مكشوفه

لو عني ارحلت اي حال امرن بيك

مثل حال اليتيم ودمعه بجفوفه

واكلك شوف وكتي شسوه بيه اليوم

بكليبي بقن طعنات لسيوفه

موضوع: رد: شلون انساك الجمعة أغسطس 22, 2008 12:38 pm

عاشت ايدج وردة على هل موضوع
تقبلي موري

موضوع: رد: شلون انساك الجمعة أغسطس 22, 2008 3:10 pm

صح لسانك روحي
تسلمين على الموضوع

موضوع: رد: شلون انساك السبت أغسطس 23, 2008 9:30 am

الله الله روحي شعر روعه حبيت هذا المقطع كلش

لو عني ارحلت اي حال امرن بيك

مثل حال اليتيم ودمعه بجفوفه

واكلك شوف وكتي شسوه بيه اليوم

بكليبي بقن طعنات لسيوفه

تسلمين على الشعر الجميل
تقبلي مروري

موضوع: رد: شلون انساك السبت أغسطس 23, 2008 12:15 pm

عاشت ايدج على هاي الكلمات الحلوه وصح السانج
اخوج عراقي للموت

موضوع: رد: شلون انساك السبت أغسطس 23, 2008 12:34 pm

الله فداك شعر روعه عاشت ايدك
تقبلي مروري
هيهات
كان
هنا

موضوع: رد: شلون انساك السبت أغسطس 23, 2008 1:22 pm

عاشت الايادي

تسلمين غاليتي

::

ودي

موضوع: رد: شلون انساك الإثنين أغسطس 25, 2008 9:57 am

اللــــــــــــــــــــه روحي فداك عاشت ايدج
ننتظر منك المزيد

اختك البرنسيسة الرومانسية

I love you

زغيره وما تعرف تحـــب .. ولا دغـدغ قلبها الشــــوق
خفيفة بشط هواها تروح .. ودومها تعاتت اويه الموج
زغـــــــيره وحســـــرتي كبــــــيره ..
يا صاحبي ما أظنها تفّل ..ولا اظن يحصد اليشتل
تصــد مــرّه وأعاتبــها .. تراضيني وترد تجفــــل
لا غلطه بدت مني .. ولا كلمه قلت عنها ولا عني
أهيم وما أقول أرجع .. تجي يمّي وتجابسـني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. زغيره وما تعرف تحب
كثيره أيام يا ناس وآنا هالحاير .. لا شوره تدليني ولا شاير
واشوف الناس كلها عـزاز .. وآنـــــــا وحيـــدهم بايــــــر
اشـــجاني واشحصلت منـــــها ؟
أوادم وشت عليّ .. مثل ما وشـــت عليها ؟
لا ماكو عواذل .. العواذل ما تحاجيـــها !!
عرفته اللي كــان واشـــيها .. !!!
ولك يا صويحبي استاذي يحـوم ويـدور عليها
تحاجيه ويحاجيها .. تناغيــه وينــاغيها
أقول يا صاحبي اسندني .. أشوف الدنيا تتل بيني وأتل بيها
وإلا استادنا ريّض .. يقــــول هالنـاس شعليها
حســــافة اســـتاد .. جنك ما دريت بحسبتي وياها
حســــافه اســــتاد .. قلبي اللي هواها شلون ينساها
شـــقول عليك يا استاذي .. شــريد أدعي ؟
عسى انك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر
نار وبالضلع تسعر
عسى انك بيش يملذون يلن كل جلمة بالدفتر تذكرني هواك اكثر
واذكرنهة احبنهة
وحك عيناك يا استادي وعلي الشرجي احبنهة
انشد عليك أبو حزامين لا توصل بعـــد يمها
شـــتريد انطيـــك شـــهديلك ..؟
الك قلبي وقــلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهــادي
احرم عليك حتى طبة النادي
وشحدهة وتكَلك طب ... زغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو سـاعه اضحكت ويــاي
ولا أقدر اسقطنها إن صــدت تـريد جفـــــاي
انا منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح وتصيح الدّاد
ما جاني برقبتك يا استاد
جرحي ما يلفه ضماد .. ولا اظن قصتي على البشر تنعاد
هذي قسمتي من الله مو من واحد واعتب .. زغيرة وما تعرف تحب

رد الاستاذ:

عيش ابخت واحجي ابخت وبوكَ ابخت مكَرود يالمالك بخت
صدكَ يالتنشد عليها ودمع عينك حرام يصب
صدكَ يا فلان زعطوطة زغيرة وما تعرف تحب
زغيرة ولعبت علية زغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التسولفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك عليها يصب
صدك يا فلان زعطوطة، زغيرة وما تعرف تحب
عليمن تنخة ابو حزامين وتتهدد بعلي الشرجي وعلي الهادي
وتريد تحرمني غصب من طبة النادي
يا حيف عليك وانت مشورب وراهي
ويكولون الفهم عندك
ولك وين الفهم ياليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الريح مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة

رد الطالبة[color=blue]

جبيرة انة جبيرة وعدكم زغيرة
زغير الماعرف امرة وتدابيرة
زغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم زغيرة
زغير انت ..زغير وماتعرف تحب
نسيت شلون اتلكَاك من تجهب
هناية لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي زغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم زغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
ومرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم زغيرة [/color]

هو / گاعده ..
اشمدريچ بيه ..
عدل .. ميت ..
صاحي .. نايم ..
مبتلي .. لو گلبي خالي ..
وگاعده ..
اشمدريچ بيه ..
وآنه الف حسبه ..
تجي اتمر بخيالي ..
وگاعده ولا چنچ انتي ..
ولچ عذالي اجت .. تبچي اعلى حالي ..
هي / اشبيك ..؟
يا ستار .. احچيلي اللي صار ..
آنه حلمانه ..
وحلم موزين خوفني عليك ..
البارحه .. بالطيف .. چن احنه انتفارگ ..
وايدي مدري اشبيها ..
متلامس أديك ..
وچن عفتني ودنيا ظلمة ..
اوحدي اصيح ..
ياهو اليوصلني ليك ..
وبرعب فزيت .. وباسمك اصيح ..
البارحه لحد الصبح ..
مشغوله بيك ..
هو / وما دريتي ..؟
هي / اشبيك ..؟ فهمني حبيبي ..
هو / ما تدرين ..؟
گلبي اشيحمل احزان ..
اتعب .. والتعب وياي متعوب ..
طحت .. بس يا وگعتي ..
ابين عدوان ..
وتلگوني الشماته .. وآنه مصيوب ..
غريب ويا غربتي..
المالها لسان ..
وترده الوكت وياي .. فدنوب ..

هي / غريب ..!!؟
غريب وآنه يمك ..؟ وشوكت هاي ..؟
اهن يومين مرن .. ما هن اكثر ..
شحال منبتعد ..
متشوفني اسبوع ..؟
وتبقى ويه الهموم ..
وبيهه تسهر ..
هو / طبعا ..
طبعا انتي ماتدرين ..
مرتاحه بحياتچ ..
وآنه اتعذب ..
اصبّح بالقهر .. واتمسّى وي الهموم ..
وبس ويه الدموع ..
آنه منريد ألعب ..
مكتوبه بحياتي .. والعمر لحظات ..
وآنه العمر كله ..
ويه التعب اتعب ..
هي / خير انشا الله ..
متشوف إلا الخير ..
يا أول حبيب بعمري صادفته ..
اتمنى آنه اشوفك ..
تضحك ومرتاح ..
ويا ربي ايتبدل ..
حلمي الشفته ..
وابقى وياك ..
لآخر نفس يالمحبوب ..
وعد من عندي ..
احبك ..
وعد قاطعته Embarassed

قلبي صحن دش وعيونك عربسات

والبث حي مباشر من شفاتك

سلكي ولاسلكي وعبر المسافات

يسري اثيرك في فضاي وصفاتك

القلب مخرج والمشاعر مذيعات

والشوق مبعوث مراسل لذاتك

ارسال متواصل على خمس فترات

ينقل وقايع ما يصير بحياتك

صورتك في فكري على سبع شاشات

وافضل برامج سهرتي ذكرياتك

وارسال حسادك قطعتة عن السات

بدلت كيبلهم بكيبل غلاتك

والغيت يا ثريا الغلا الأشتراكات

ما عاد اشاهد غير ما بث ساتك

لو شوشت ع البث كل المحطات

يلقط رسيفر خاطري ذبذباتك

جرب على ريموت الأحساس ضغطات

تلقاه ما يختار الا قناتك

موضوع: رد: شلون انساك السبت سبتمبر 27, 2008 3:10 pm

قصيده روعه يسلمووووووووووووووو

يسلم اديك كليشششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششششش حلوه يا هيج الشعر يا بلا

تحياتي

Ϡ₡ ۩۝۩Ϡ₡ عــأشــقـة »™♥™الــمــطــر« Ϡ₡۩۝۩ Ϡ₡ Embarassed