انا وياك واحد ما نصير اثنين
ياكلبي وحياتي ياحبيبي الزين
قمه أخلاق انته وما تحب الشين
لاتاخذ حجي الحقاد والواشين
يردون بحجيهم نفترق بعدين
انا وياك واحد ما نصير اثنين
انا وياك واحد والكلب لهفان
يا رحمه وهديه ونعمه الرحمن
يمكنك ملاك وصوراك إنسان
جنني جمالك كلي جبته امنين
انا وياك واحد ما نصير اثنين
من اسمع كلامك ياحبيبي ارتاح
لو مره انته اشوفك كل مرض ينزاح
خليت الكلب من شوكه ون وصاح
خليت الكلب والروح محتارين
انا وياك واحد ما نصير اثنين
غلطان اليكلك ما اذكرك دوم
افكر بيك صاير كل وكت كل يوم
صادقنه السهر لجلك نسيت النوم
دوخت العقل والعقل مدري وين
انا وياك واحد ما نصير اثنين
نارك والهوه يمعود انته الماي
بيكم نحترك صدكني راضي بهاي
نشتمك عطر نتنفسك يهواي
من دونك حبيبي نبقى عطشانين
انا وياك واحد ما نصير اثنين
عنك ابتعد يبعدني بس الموت
يونس هم نجه من جان وسط الحوت
لو خلْصت حياتي قّبّل التابوت
ننجه ابوستك نرجع الك عدلين
انا وياك واحد ما نصير اثنين
اطلب ياحبيبي لاتضل محتار
بس كلي و تمنه والتريد صار
اقدملك حياتي فدوه بس اختار
انطيك الكلب والروح وي العين
انا وياك واحد ما نصير اثنين
الثلاثاء سبتمبر 30, 2008 2:41 am
