احذرك لا تحبني تكول يهواي
وبعد شتفيد وياي التحاذير
اذا انت بدليلي وعايش وياي
مثل باب وتثبته بالمسامير
اعوفك ليش اعوفك ونت معناي
ومن دونك اظل بغير تفسير
ومثل عازف الناي الكاسر الناي
ومثل صبوره اظل بلا طباشير
انا بلياك شجره مفارك الماي
وطير بلا جنح مايكدر يطير
ونا بليك اظل تعذرني من هاي
مثل خشبه وتكطعه المناشير
يا نجمة فجر مبتسمه بسماي
اذا مني شفت فد يوم تقصير
بس كلي عليه اتخاصم وياي
وبيعن عمري كله بلايا تسعير
اطلب كلشي مني انطيك عيناي
ونطيك انا كلي بدون تقصير
وظل اني احبك ونت بلواي
بس مال اني اعوفك هاي متـــــــصير
الإثنين سبتمبر 29, 2008 6:00 am
