من كد مااحبك مااسولف بيك
ماترهم ابن آدم يحجي عن روحه
ومن كد ماحلو وطعمك احسن بيه
اضوكن بالملح مااحس بملوحه
كلبي اباب بيتك علكيته سنين
ومن خيوط حبك صار مرجوحه
تجرحني بكلامك ادري بس ارتاح
يامجروح مثلي يبوس بجروحه
كبل لاجنت اعرفك دمعي ما يتشاف
هسه من الفراك دموعي مفضوحه
صح انته جبل لاتنسه انه اسفوح
وتره عمر الجبل مافارك سفوحه
اموت من اليجيسك لو شقه ايشاقيك
وطولك بس اليه وغيري ميلوحه
اغار ومو بديه من اهلك من الناس
علي بس والي النظرات مسموحه
تمر هموم بيه واختنك مرات
بس بشبكه منك كلهه ممسوحه
اتمنى يعجبكم تحياتي للجميع
الأحد سبتمبر 28, 2008 7:22 am
