ارد اكض بيدي القلم واكتب كلام
وأوصف بموضوعك الجدا قبيح
بشر انة وياك مابيها اختلاف
لكن الاخلاق تفرق مو صحيح؟
انة اخلاقي مثل نخل العراق
ومن طبع ماي الاهل طبعي الصريح
انة بية شغلة مثلك ما حواها
الغيرة هية وگلبي للغيرة نضيح
انة سيف العنّة تنشد ياهو هاذ
هاذه هو الخلة بيبانك تطيح
انة ابن حيدر علي باب العلوم
وانتة ابن من احچي يا مستر فليح
انة وزنتك كبل لاتنسى هاي
چفوفي عدلة وبيها انتة التستريح
ليش تتناسة ولك يوم النخيت
من گلت يعراق ابن عمك جريح
جاك يسترلك عرض صابه انهيار
وصانة لاجلك وانتة يا صاحب طريح
هسة كمت تعير بزلم العراق
حجارة تشمر عل الجبل شتظن يطيح؟
صوج ابوي الكضة عمرة يوصي بيك
يوصي بجارة رغم خلا جريح
والله لوما هوه جا تدري شيصير
چان اهدم عروشكم لو بس اصيح
الخميس سبتمبر 25, 2008 7:31 am
