الى بطل كربلاء ابو الفضل العباس ع

حرم يتكلف لو تتكلفه
وهذا ليل الخطر وازانه ولفه
يل رحت للماي عل ماي العفه
مانريد الماي انته الغايه
.....................
مانريد الماي خل نار الضمه
داويه اتضل بالجبود ومضرمه
لاجن الخدر يبن حامي الحمه
انولت وتعرف العده كَصايه
......................
حيف ياعباس شح بيك النصيب
وماتهزك نخوتي وهذا النحيب
بالشدايد ياكَمر هاشم تغيب
وبالخدر عود اختك اموصايه
........................
اتغيب يابدر الهواشم بالطفوف
وغمد خويه ايصير جسمك للسيوف
ريت عيني السهم عينك لا تشوف
وكَبل عينك ريتهه مطفايه
........................
انعمت عيني ولا لعد راسك تصد
نال عامود الغدر منه الكَصد
للعمود الصابك بيا جف تصد
والجفوف اعله الثره مرمايه
.....................
مكَطعه جفوفك يسبع الكَنطره
ومن طحت بيمن تلكَيت الثره
صارت ارماح العده تجوه وذره
الك من حر الشمس وكَايه

الله الله مغامر شعر جميل و راقي سلام الله عليه ابو الفضل
تسلم اخوي تقبل مروري

الله كلام جميل اخي الغالي
تقبل مروري