اي نوع من الاطفال كنت؟؟

اي نوع من الاطفال كنتوا اي نوع من الاطفال كنت؟؟ 006

؟؟
وبكل صراحة طبعا"
خلي نرجع شوية بذاكرتنا الى الوراء
لاحلى ايام وهي ايام الطفولة
ونتذكر اي نوع من هؤلاء الاطفال كنا؟؟
ملاحظة..الموضوع مرفق ببعض الصور التوضيحية

الطفل البريء

بالبيت تلكاه حبوووووووب وهاديء..وطبيعي100%
بس لما ياعيني يدخل المدرسة..وجهه ينملي اورام وكدمات
من هلكد ميبسطوه الاطفال الاشرار..وهو طبعا" ميكدر يدافع عن نفسه

الطفل العنيد

يطبق نظام البيت بالعكس .. يسوي اللي براسه ..
يكول كلمة ما هواية
مايخاف من الماما او البابا .. لو كلوله هذا خطر(او بو) لاتقترب منه.. بالعناد وياهم يسوي
طبعا" يشبع كتلات من اهله بطفولته هع..ومع ذلك عنيد ومايغير رايه ..

الطفل الحنّـان(الطنان او الزنان)

يستخدم وسيلة الحنية(اللواكة)لتلبية طلباته
عنده نغمه خاصه في البيت..
طلباته اوامر غصبا" عن الكل..يعانون اهله من الصداع المستمر..

الطفل المادي(ابو فلس)
هذا الطفل مايرد السلام الا ( بفلوس ) ..
تعامله وية اهله .. مادي بحت ..
بس مفيد..لانو اهله يستفيدون منه بجلب الطلبات من الجيران..او الطلب منهم..او يشتري اشياء من السوبر ماركت..ويوصل اشياء
بس طبعا"
كلشي بحسابه..هع هع

الطفل الفتّــان(يطير في البستان)
تلكى عنده كووووووووول اخبار البيت ..
يلاقي المتعه في اذلال غيره بالفتنه عليه ..
هذا الطفل حتى لو اشتروا سكوته بفلوس ..
لازم بتوقعون يلكون اخبارهم ثاني يوم بالصفحة الرئيسية .. في الجريدة اليومية..

الطفل الدلوع
هذا دلوع الماما والبابا .. يكرهوه باقي الاطفال لانه مرفه وشايف نفسه عليهم..
تلبى رغباته قبل ميطلبها .. شخصيته اتكاليه جداً ..

الطفل العلة
يضوج بأسئلته الي ماتنتهي .. يستفسر من كل شي .. حتى لو واحد عطس كدامه ..
يكلك شلون عطست .. وليش عطست .. وشلون تكونت العطسه ..
يحرج احياناً .. ويمكن دائماً بأسئلته .. مره يحاوبوه ومرات يغلسون..
واكثر الاوقات مانلكى اجابة لاسئلته .. لانو في الحقيقة
منعرف هع هع

الطفل الدائح
هذا الطفل مستحيل يكعد بالبيت..
يعيش بالشارع اكثر من بيته .. خبرة ودليل بكل شارع وطريق ..
يفيد الناس المتيهين..
يعرف طول الشارع بالسنتيمتر .. من الممكن اذا كبر ممكن يصير مهندس طرق .

الطفل الذكي
ميصير يطلع كدام الخطار او الكرايب
يتميز احياناً بقلة الذووق والوقاحة
يتونسون اهله على سوالفه.. فصيح جداً ..
ويلتقط العبارات والمفردات بسرعة مذهلة ..
يسبب احراج دائم لأهله .. يمكن يقول كلمة بالغلط ..
يفضحهم هع هع
لاينصح بأستفزازه ابداً ..

الطفل اللزقه(اللزكة بحرف الكاء)
تلكاه مسنتر بباب البيت .. محد يطلع الا وهو لازك بي ..
حتى الخطار من الممكن تلقاه يلزق بيهم ويطلع وياهم ..
يشبع كتل.. وخاصه من اخوانه اللي اكبر منه .. او خواته ..
لانه عبارهةعن رادار على طلعاتهم ..
احياناً يضطرون يطلعون من شباك البيت للهروب منه ..
ولكن للأسف يلكوه بانتظارهم بالسيارة ..ويسألهم ليش تأخرتوا عليّا هع هع..

الطفل الهاديء(الملاك)

هذا الطفل مااله صوت ابدا" .. وين ماتحطه تلكاه ..
احياناً يهملوه اهله .. لانو ينسوه ..
واحياناً يلكى اهتمام زائد من اهله ..
لو يموت من الجوع ميحجي ..
في كثير من الاحيان تلكى اهله ناسي بالسوك او عند الكرايب اثناء الزيارات هع

واخيرا" النوع الاخطر
الطفل القوي

اهله دائماً في احراج و مشاكل وية الناس ..
هرمون الاجرام مرتفع عنده بنسبة عالية في جسمه ..
بكل كصة طفل ( بمنطقتهم ) تلكى اله أثر وتوقيع ..
يمثل القائد والفتوهة.. الاطفال يخافون منه..
يتقرب منه الكبار ويتوددون له حفاظاً على سلامة اطفالهم ..

فاي نوع من الاطفال كنت انت ؟؟؟؟؟؟؟؟؟؟

ههههههههههههههههههههههههههههههههههههههههههههههههههههههههه
يمكن انه من النوع الثاني العتيد
اي نوع من الاطفال كنت؟؟ 5866d6d067fn9

[/

ههههههههههههههههه يسلمو بسمه موضوع روعه
تردين الصراحه اتصور اني من النوع
الطفل العلة
يضوج بأسئلته الي ماتنتهي .. يستفسر من كل شي .. حتى لو واحد عطس كدامه ..
يكلك شلون عطست .. وليش عطست .. وشلون تكونت العطسه ..
يحرج احياناً .. ويمكن دائماً بأسئلته .. مره يحاوبوه ومرات يغلسون..
واكثر الاوقات مانلكى اجابة لاسئلته .. لانو في الحقيقة
منعرف هع هع
يعني على الي اسولفو انو اتسئل جنت هوايه
انتي من يانوع
هيو ياعنيد ياتره ليهسه لو تغير طبعك هههههههههه
تقبلو مروري
جونه

هههههههههههههههههههههههههههه
والله موضوع يخبل وعجبني الطفل الدائح هههههههههههههههههه
بس اني خليط طفل عله +طفل عنيد

تسلمو على الردود نورتو الموضوع اني يمكن هذا النوع

يستخدم وسيلة الحنية(اللواكة)لتلبية طلباته
عنده نغمه خاصه في البيت..
طلباته اوامر غصبا" عن الكل..يعانون اهله من الصداع المستمر..

تحياتي