واقع حال كل هذا التشوفه العين
شعبك ياوطن فرهدوا كل قوته
او صحيح ارواحنه تطلع اطباك اطباك
او بعد جم يوم يمكن نكتمل موته
او صحيح اعله الارض صوت الفشك خنياب
او نياشينه اعله كل البوب منحوته
او صحيح امن الورد مبيوك ذاك الطيب
او صيحات البلابل عدنه مكبوته
او صح من الكصب كتلو ربيع الهور
والبردي التحزم صار زاتوته
او صحيح انباك من الراعي حس الناي
او ديوان القصيد انباكن ابيوته
او صح عدنه الخشب ما ينوجد بالسوك
لان حته الرضيع ايريد تابوته
او صحيح اخواني خلصو كاتل او مكتول
او كلب امي عليهم تنزف ابتوته
او صحيح الكمر باكو منه خيط النور
واذا سالينه كالو بلعته الحوته
بس اكبر غلط لو كالو اسمك راح
تظل انت العراااااااااااااااااااااااااااااااااااااااااااااا اااق اليرعد ابصوته
الأحد سبتمبر 07, 2008 2:02 am
