انته مو اول حبيب

صراحه

انته مو اول حبيب ومن اكول اول اغشّك
ولاتضن اول رمش ياصاحب اليسحرني رمشّك
ولاجنت فديوم احسّب ياكناري ايلمني عشك
اني من اهل السوابق لاتظل بحيره وبشّك
اني من اهل السوابق والصراحه هوايه حلوه
جان من كبلك غرام وجنت اظنّه الروحي سلوه
وسلمّت بيده العزيزه وكلت هاي الروح فدوه
وجنت اظنه يصون عهدي وجنت اظن يفلان يسوه
اني من اهل السوابق مااريد اكذب عليك
ارد اكول اللي بكلبي حتى يصفالك وجيك
حتى تتعنالي عنوه شلون مااني اعتنيك
وحتى اكون وياك صادق من احط ايدي اباديك
ارد اكون وياك صادق يامن بشوفك حياة
صرت كل امالي انته ونته كل الامنيات
انته احلام الليالي وطيب كل الامسيات
ويرحم الله الجان كبلك من هويتك والله مات
ويرحم الله الجان كبلك من هويتك والله مات

الله الله الله
ماكو احلى من الصراحه
صح لسانك
تقبل مروري

ليس المهم كم احببت قبلها ولكن المهم هل احببتها بصدق ؟

عاشت ايدكـ

::

وديـ

عاشت ايدك حبي هيهات ع الموضوع
تقبلي مروري

وجنت اظنه يصون عهدي وجنت اظن يفلان يسوه
عاشت ايدك هيو والله احله شي الصراحه و الشعر كلش حلو
ياريت الكل ايكون صريح مو بس ويه الحبيب لا ويه كل الناس
تقبل مروري

عاشت الايادي هيهات دوم التقدم والاحساس المرهف

مودتي

تسلم اخي هيهات على القصيده الحلوه
جميل ان يكون الانسان صريح
اقبل مروري