بغداد الغالية

هم اصدك يا بغداد ارجـــع اوتـــرجــعيلـــــــي

وخلي راسي اعلـى رجليج بلـــيل تلوليلــــــي

واصدك اشم قداحج وانا ازهــــوا وتزهيلـي

يا ريت نرجع سوة مثل كــــبل تهوسيلـــــــي

بركصة الجوبي يايمـــــة كل يوم تدبجيلـــــي

اشلون انسة المسكوف بابونؤاس تسكفيلـــي

ويا نـــبعة الريحـــانة اسمـــعج تغنــيلـــــــي

اني واهــل الصوبيـــن انغنيليــج واتغنيلــي

ويمج دجلة الصافي انا اغسلج وتغسليلــي

عجب يرجع ذاك الزمن وشلهج وتشلهينــــي

وشم ترابج الطيب اصلي عليه وتباركينــــــي

يا بغــداد الله عليــج حركتي كلبي ديكوليلـــي

يعني ايصير احلم فد يوم ارجع او ترجعــيلـي

من اوصل لبغداد جم اعلوج تضحيلـــي

يروحــون فدوة الــج ادعيلــج وتدعيلــــــــي

************

واللة ابجي من فركتج حتى عمتلي اعيونــــي

كوليلي وانة بغربتي مـنيكدر يداوينـي

محـــــــد ايداريني ابد ماكو غيرج يداريــــــني

ولا يعرف قدري بشر انت وحـــدج تقدرينــي

ولا احد يصلــي علـيه غــيرج اكو يصليلـــــي

اريد اموتن انا برضج او بترابج تدفنيـــــــــني

بترابــــــج تدفنينــــي

بترابـــــج تدفنيــــــتني

..................

الله الله الله على ذوقج همس كلام جميل ونتمنه العراق وبغداد تصير احلى واحسن

مشكورة هموسة على الكلمات الاكثر من رائعة

ويا رب ترجع بغداد مثل قبل

تحياتي الج

تقبلي مروري

غاليتيـ همسـ ..

تسلمـ يمينجـ ..

ويا ربـ يرجع كل مغتربـ لأرضهـ ..

دمتيـ بود ::

الله هموسه عاشت ايدج
بجيتيني
تقبلي مروري

حلوووووووووووووو عاشت ايدك ياورده
راح ارد عليج تسمحين
كلو حتى السعف والتمر والجمار.....وبقة بس الجذع مشتعلة بيه النار
وهنانة كعدو سيطرو عالابار.......وطبو للمتاحف وباكو الاثار...
معروف الرصافي تطوقة دبابات....والسياب باكو منة كومة اشعار
خلو بالطريق اسلاك يابو اسلاك....كونكريتية وسيامة ها
خلو بالطريق اسلاك يابو اسلاك وبغداد الحبيبة لبسوهة سوار
احتلو كربلة اويلي على كربلة وميسان والحمزة وعلى حس القنابل نامت العشار
احتلو الموصل والنجف والفاو وبركبة البصرة حدو المنشار
عراقيين واسفة الزمن بينة اندار ......
شاهد انا عالجرى وشاهد انا عالصار ...ياهو الي يطفي شعب مشتعلة بيه النار ......
صعدنا فوك السطح نباوع على الطيار ابو الاباتشي الطيار انعل ابو لابو الدزة علينة ....
ومنين طار من يا منطقة .......
صعدنا فوك السطح نباوع على الطيار بكلبة ماكو رحم فلش علينة الدار...امى كتلهة القصف هنا ماتو اخوانى وصاروخ اجة من بعد فلشلي جيراني شاهد عيان الزمن ياناس خلاني ماعدنة غير الصبر وفوك الصبر دنفوت من يرضى هذا الوطن يتخلة في تابوت ميموت هذا البلد ماطول اكو عراقي .......
ميموت هذا البلد لا لا ابد ميموت يا عالم اسمع بعد صوتي وانفاسي وطني حبيبي وهلي وكل ربعي وناسي

صباحُ " بغداد" تجلو العيـن طلعتـهُ
وليلُ بغدادُ كحلٌ حيـنَ نكتحـلُ

العيش فيها ظليـل وارف خضـلُ
وعند دجلة يحلـو العـلُ والنهـلُ

بغدادُ عشتِ على الأزمـان شامخـةٍ
الوجـه مؤتلـق والمجـدُ متصـلُ

رووووووووعه همووستي
الله الله