ابوذيات >>>>>

موضوع: ابوذيات >>>>> السبت أغسطس 23, 2008 8:53 am

اول وحدة
وكف صامد ابد حبنا ولا انهار
ودموع العين صارت مثل الانهار
نشد كلبي عليك بليل ونهار
تعال انت ومرة انشد علية
الثانية
انا اليوم ماعندي درهم ولامال
شكثر هبت رياح وحبنا ما مال
جنت باني عليك هواية امال
تالي طلعت انت تخون بيه
الثالثة
عليك شكد سال كلبي ناشد
تفل انته بحبل حبنا وانا شد
عمي اذا انت ضعيف وانا شد
لعد ليش من اشوفك يغمى علية
الرابعة
انحكمت بهوى حبك وهسة مسجون
نمسج دوم الكم ما تمسجون
ودوني الطبيب وكال بيه مس جن
وبس شوفة المحبوب ترد روحي الية
الخامسة
سگانا الوكت عكب جفاك حامض
على كلبي هوى المحبوب حمض
على كلبي يا خوية هواي حمض
يا حامض حلو ريتك بس الية
السادسة
اغني اطوار للمحبوب مو طور
ودمع العين على الوجنات ماطر
ولفي راح اتمنى اصير موطور
واصل يمك واحضنك بين ادية
السابعة(وهاي عالسريع سويتها)
وانا مهموم وامشي طلع مارد(جني)
كال اطلب شتبي مني وكلشي ما اريد
كتلة اريد العراق يرجع اشو ما رد
كال عمي صدك لو تضحك علية http://www.nshamaaliraq.com/vb/images/smilies/iraq1.gif

الثامنة
الطيب الما ينسى اهله وناسة-يعني الناس-
وبعيونك حارت امريكا وناسا-منظمة الناسا مال الفضاء-
بجمالك شدت روتانا وووناسة-قناة وناسة مال الاغاني-
انا الريموت وأنت تدير بية

صبابة اللك وحدك نصبها
محاجيك عسل عالمر نصبها
الكلب كم سيطرة بروحي نصبها
غيرك مايمر لومو هوية

اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه

عليك الچفن ما فد يوم سلهم
وحبك يا حبيب الرووح سلهم
اللي عدوان وانت روح سلهم
يحچولك هواك اشعمل بيه

جنت وباك واحد منتقسم
راضي بحصتي منك من تقسم
عرفت شلون تغدر من تقي السم
من حلك الافاعي وجبتة لية

موضوع: رد: ابوذيات >>>>> السبت أغسطس 23, 2008 11:24 am

تســــــــلم أخي الكريم على الابوذيات

::

ودي